தமிழினப்படுகொலை தொடர்பாக அனைத்துலக விசாரனையை வலியுறுத்தும் டென்மார்க் சோசலிச சனநாயக கட்சி வேட்பாளர்.

டென்மார்க்கில் வரும் வியாளக்கிழமை பொதுத் தேர்தல் நடைபெறுகின்றது. வலது, இடம் அல்லது நீலம், சிவப்பு என இரு பிரிவுகளாக கட்சிகள் போட்டியிடுகின்றன. கடந்த இரண்டு ஆட்சிக்காலத்தில் ஆட்சியில் இருக்கும் வலதுசாரி சார்பு கட்சிகளின் ஆட்சி இந்த தேர்தலுடன் முடிவுறுவது போன்று கருத்துகணிப்புக்கள் கூறுகின்றன.

டென்மார்க்கில் வாழும் வெளிநாட்டவர் மீது கருணை கொண்டவர்களாக இடதுசாரி கட்சிகள் காட்டிக்கொள்வதாலும் இடதுசாரி கட்சிகளிலேயே வெளிநாட்டவர்கள் பெரும்பாலும் போட்டியிடுவதாலும் இக்கட்சிகளுக்கு வெளிநாட்டவர்கள் வாக்களித்து வருகின்றனர். டென்மார்க்கில் வாழும் புலம்பெயர் தமிழர்களும் இதே நிலைப்பாட்டையே பெரும்பாலும் கொண்டுள்ளனர்.

டென்மார்க்கின் தென்மானிலப்பகுதியில் உள்ள Vejen மற்றும் Billund நகர தேர்தல் தொகுதியில் போட்டியிடும் சோசலிச சனநாயக கட்சி வேட்பாளர் Troels Ravn அவர்கள் “டென்மார்க் வாழ் தமிழ் மக்களுக்கு வணக்கம்” என்ற ஆரம்பத்துடன் ஒரு ஒளிநாடாவை வெளியிட்டிருந்தார். இதனை எமது தமிழ் தொலைக்காட்சிகளும் ஒளிபரப்பியிருந்தன. ஆனால் அந்த ஒளிநாடாவில் வேட்பாளர் Troels Ravn தமிழர்களுக்கு மானில சுயாட்சி கிடைக்கவேண்டும் என டெனிஸ் மொழியில் கூறியிருந்தார்.

இவருடைய இந்த கூற்று ஆபத்தானது எனவும் டென்மார்க் தமிழர்கள் கடந்த வருடம் பெரும்பான்மையாக பங்கு பற்றி வாக்களித்த தீர்மானமாகிய வட்டுக்கோட்டை தீர்மானத்திற்கமைய தனித்தமிழீழத்தை மீளமைப்பதே தமிழீழவிடுதலைப் போராட்டத்திற்கான தீர்வு என எமது இணையத்தளம் சுட்டகாட்டி நேற்று ஆக்கம் ஒன்றை டெனிஸ் மொழியில் எழுதியிருந்தது.

இதனால் இன்று எமக்கு கருத்து தெரிவித்த சோசலிச சனநாயக கட்சி வேட்பாளர் Troels Ravn அவர்கள் “தமிழர்கள் தம்மை தாமே தமது பகுதியல் ஆழவிரும்புவதை ஏற்றுக்கொள்ளுவதாகவும் , 2009 ஆண்டு தமிழர்கள் மீது மேற்கொள்ளப்பட்ட இனப்படுகொலை தொடர்பாக அனைத்துலக விசாரனை மேற்கொள்ளப்படவேண்டும்” எனவும் கூறியுள்ளார்.